- Хуыцауы дзуары бæрæгбоны куывд
-
– О Стыр Хуыцау, Дæумæ кувæм!– Оммен, Хуыцау!– Дæуæй цардамæндтæ курæм!– Оммен, Хуыцау!– Дунейы дзыллæты хсæн змæст у,Дзыллæтæ кæрæдзийы куыд бамбарой,Се хсæн амондджын лæг куыд сæвзæра, уымæ хъусæг куыд уой!– Оммен, Хуыцау!– Абон хохæй, быдырæй, чысылæй, стырæйДæ бынмæ лæгъстæ кæнынмæ æрцыдыстæм,Æмæ нæ алчидæр зæрдæрухс, хъæлдзæгæй фæцæрæд!Cæ кувæггæгтæ сын барстæн айс!– Оммен, Хуыцау!– О Тбау Уацилла, бæрзондыл бадыс,Ныллæгмæ нын рæсугъд хæрзтæ ракæн!Амонддæттæг, фыдбылызсафæг дæ,Нæ фыдбылызтæ нын фесаф,Нæ цардамæндтæ уæлахиз фæкæн!– Оммен, Хуыцау!– О Тæхгæ-Нæргæ Уастырджи!Байраг – бæхгæнæг, лæппу лæггæнæг дæ!Hæ лæппутæ – лæгтæ, нæ байрæгтæ бæхтæ куыд кæной,Aхæм амонд нын ратт!– Оммен, Хуыцау!– Уастырджи, фæндаггоны фарс дæ, зæгъгæ, фыдæлтæй баззад!Бæлццонæй, бынæттонæй де уазæг стæм!Нæ бæлццæттæ хорз фæндæгтыл фæцæуæнтÆмæ дзагармæй сæ хæдзæрттыл сæмбæлæнт!– Оммен, Хуыцау!– Абон Хуыцауы дзуары бын кувынц адæм.Цæлццон адæм сты æмæ сæ алчидæрИæ хæдзарыл амондджынæй сæмбæлæд!– Оммен, Хуыцау!– О Рыныбардуаг, а бæстæм куы рцæуай,Уæд нæ хъазгæ, худгæйæ ныууадз!– Оммен, Хуыцау!– Алардыхъан, дæ хорзæх нæ уæд!Нæ сабитæ – де уазæг, нæхæдæг – Хуыцауы уазæг,Афтæмæй нæ цард амондджынæй цæуæд!– Оммен, Хуыцау!– Hог дзуар, дæ хорзæх, дæ арфæ нæ уæд,Ног хъуыддæгтæ, ног амондæй нын хай бакæн!– Оммен, Хуыцау!– Хъæузæд, Хъæудуаг, дæ хорзæх æмæ нæ дæ арфæ хорзæй уæнт!Хъæуы цæрджытæ, фæсивæд фæдисы,Хæсты макуыуал бахъæуæнт!Алчидæр йæ хъæубæстимæ амондджынæй,Зæрдæрухсæй, уарзонæй фæцæрæд!– Оммен, Хуыцау!– Æфцæджы зæдтæ æмæ дауджытæ,Уæ хорзæх, уæ арфæ нæ уæд!Æфцджытыл чи цæуы, уый амондджын фæндæгтыл фæцæуæд!– Оммен, Хуыцау!– О нæ быдыры зæдтæ, дауджытæ:Уацилла, Цыргъобау, Мæздæджы,Елхоты, Дзылаты Фæлвæра!Уæ алыварс нæ хор-хос зайы,Нæхи къухвæллойæ, Хуыцауы руаджы,Хорджын, фосджын куыд уæм,Ахæм зæрдиаг арфæ нын ракæнут!– Оммен, Хуыцау!– О Хетæджы Уастырджи, хæстон лæг уыдтæ,Нæ фæсивæды нын хæстæй бахъахъхъæн, амондæй нын хай бакæн!– Оммен, Хуыцау!– Уæдæ Ныхасы Бæрзонд Уастырджи, Реком, Мыкалгабыртæ,Тибы Таранджелоз, Згъилы Самтыхос,Рагон хæрзтæй нын æргом хæрзтæ ракæнут!– Оммен, Хуыцау!– Хуыцауы дзуар, абон дæ кувæггагæй чи сахода,Уымæн æвдадзы хос куыд феста æмæ дæм Фидæн ацафонНоджы зæрдиагдæрæй куыд æрбацæуа, ахæм арфæ йæ уæд!– Оммен, Хуыцау!– Уæдæ кувын кæмæн хъæуыЗæдтæ æмæ дауджытæй – се ппæтæн дæр æхцон фæуæнт!Чи ацахода, уый цардамæндтæй хайджын уæд!– Оммен, Хуыцау!кæс ИРОН ÆГЪДÆУТТÆ
Словарь по этнографии и мифологии осетин. 2014.
